काठमाडौँ । प्रधानमन्त्री तथा नेकपाका अध्यक्ष केपी शर्मा ओलीले पार्टी स्थायी समितिको बैठक तत्काल बोलाउने सम्भाबना नदेखेपछि माधव नेपाल निकट स्थायी समितिका सदस्यहरु सामुहिक छलफलमा जुटेका छन् । माधव नेपालको निबास कोटेश्बरमा साझ सात बजेतीर बाट सुरु भएको छलफलमा स्थायी समितिको बैठक आह्वान भएमा कसरी प्रस्तुत हुने र बैठक नबोलाईएमा कसरी अघि बढ्ने भन्ने बारेको रणनीतिमा छलफल भैरहेको छलफलमा सहभागी एक नेताले बताए ।
प्रधानमन्त्री तथा पार्टी अध्यक्ष ओली तथा अर्का अध्यक्ष पुष्पकमल दहालसंग निरन्तर सम्बाद गरेका नेपालले आफूनिकट सदस्यहरुसँग ब्यक्तिगत छलफलपछि आज साझ आफनो निबासमा बोलाएर सामुहिक छलफल गर्नुभएको हो । नेपाल निटकमा सदस्यहरुले पार्टी र सरकार दुबैमा बिकल्प खोज्ने उपयुक्त समय आएको भन्दै अभिब्यक्ति दिईरहेको अबस्थामा बरिष्ठ नेता नेपालले बोलाउनु भएको छलफललाई निकै महत्वका साथ हेरिएको छ ।
प्रधानमन्त्रीको दौडमा समेत रहेका भनिएका नेता नेपालले वर्तमान ओली सरकार असफल भएको र सरकारका अधिकांस निर्णयहरु चरम बिवादमा परेका भन्दै पटक पटक आफनो कार्यशैली सच्याउन आग्रह गर्दै आउनुभएको थियो ।
