काठमाडौं । सत्तारुढ नेपाल कम्युनिस्ट पार्टी (नेकपा)को सचिवालय बैठक तनाबका बिच सकिएको छ ।
प्रधानमन्त्री तथा अध्यक्ष ओली र अन्य केही नेता बीच चर्काचर्की भएपछि अध्यक्ष ओली बैठक कक्षबाट बाहिरिनु भएको थियो । यस अघि बसेको बैठकमा नेताहरु बीच अमुर्त सहमति पछि नेताहरुले पार्टी भित्रको बिवाद सकिएको जनाएका थिए । अमुर्त सहमतिलाई मुर्तरुप दिदै भोली बस्ने स्थायी समितिको बैठकको एजेण्डा तयार पार्ने क्रममा नेताहरु बीच चर्काचर्की भएको श्रोतले जनाएको छ ।
एक ब्यक्ति एक पद , उपाध्यक्ष बामदेब गौतमको ब्यबस्थापन र सरकार पार्टी बिच उत्पन्न असहज अबस्था , सरकार संञ्चालानमा भएका कमजोरी र समिक्षा का बिषयमा सचिवालयका सदस्यहरु बीच तिब्र अहसमति रहदै आएको छ । आजै दिउसो अध्यक्ष केपि ओली र अर्का अध्यक्ष पुष्पकमल दहाल बीच छलफल पछि भोली ११ बजे पार्टी मुख्यालय धुम्बाराहीमा स्थायी समितिको बैठक बोलाईएको छ ।
बुधबार बसेको नेपाल कम्युनिष्ट पार्टी (नेकपा) को सचिवालय बैठक विना निष्कर्ष टुंगिएको छ ।
बिहीबार बस्ने भनिएको स्थायी कमिटि बैठकका एजेण्डा तयार पार्न बसेको सचिवालय बैठक विना निष्कर्ष टुंगिएको हो । सचिवालय बैठकले कुनै निर्णय गर्न नसक्दा बिहीबार बस्ने भनिएको स्थायी कमिटि बैठक समेत अनिश्चित बनेको छ । पार्टी प्रवक्ता नारायणकाजी श्रेष्ठले बुधबारको सचिवालय बैठकले कुनै निर्णय नगरेको बताउनुभयो । स्थायी कमिटी बैठकका विषयमा भने दुई अध्यक्ष बसेर कार्यसूची तयार गर्ने वा बैठक नै के गर्ने भन्ने विषयमा निर्णय गर्ने उहाँले बताउनुभयो ।
