काठमाडौं । सुनसरी–४ बाट निर्वाचित सांसद दीपककुमार साहले उद्योगमन्त्रीको शपथ ग्रहण गरेका छन् ।

प्रधानमन्त्री बालेन्द्र शाहको सिफारिसमा राष्ट्रपति कार्यालयले साहलाई उद्योगमन्त्री नियुक्त गरेपछि उनले बिहीबार पद तथा गोपनीयताको शपथ ग्रहण गरेका हुन् ।

यसअघि उद्योगमन्त्री रहेकी गौरीकुमारी यादवले राजीनामा दिएपछि उक्त मन्त्रालय रिक्त थियो । यादवको राजीनामापछि सरकारले साहलाई उद्योगमन्त्रीका रूपमा सिफारिस गरेको थियो ।

मन्त्री नियुक्तिको तयारी भएपछि साह निर्वाचन क्षेत्रबाट काठमाडौं फर्किएका थिए । राष्ट्रपति कार्यालयमा उनको नाम सिफारिस गरिएसँगै नियुक्ति प्रक्रिया अघि बढाइएको थियो ।