काठमाडौं । केबल टेलिभिजन, इन्टरनेट र नेटवर्क सेवाप्रदायक कम्पनी सुबिसु केबलनेटले क्लियर टिभी सेवामा इ–कक्षा प्रसारण सुरु गरेको छ । कोरोना महामारीले सबै विद्यालय बन्द भएको अहिलेको अवस्थामा विद्यार्थीको पठनपाठनमा अवरोध नहोस् भनेर इ–कक्षा सुरु गरेको हो ।
इ–कक्षा क्लियर टिभीको २९३ नं. च्यानलमा प्रसारित हुन्छ ।
कक्षा ४ देखि कक्षा १० सम्मका विद्यार्थीलाई डियरवाल्क इन्स्टिच्युट अफ टेक्नोलोजीले तयार पारेको शैक्षिक सामग्री समावेश गरी च्यानलको प्रसारण सुरु गरिएको कम्पनीले जनाएको छ । विज्ञान, सामाजिक शिक्षा, अंग्रेजी, गणित र नेपालीको पाठ्यक्रम समावेश गरिएको छ ।
इ–कक्षा सोमबारदेखि शुक्रबारसम्म बिहान ११ बजेदेखि सुरु हुनेछ । विद्यार्थी वर्गका निम्ति यो कार्यक्रम निकै नै लाभदायक रहने सुबिसु केबलनेटको विश्वास छ ।