१२ पुस , बिराटनगर।प्रदेश न. १ का मुख्य मन्त्री शेरधन राईले अर्थमन्त्री इन्द्र आङ्बोलाई बर्खास्त गरेको भोलिपल्ट सामाजिक विकास मन्त्री जीवन घिमिरे र दुईजना राज्यमन्त्रीले पनि राजीनामा दिएका छन् ।
राजिनामा दिनेमा सामाजिक विकास मन्त्री घिमिरेसँगै सामाजिक विकास राज्यमन्त्री जसमाया गजमेर र उद्योग, पर्यटन वन तथा वातावरण राज्यमन्त्री विजय कुमार विश्वास रहनुभएको छ।
अर्थमन्त्रीको पदबहाली र मन्त्रीहरुको सामुहिक राजिनामा संगै प्रदेश नम्बर १ मा मुख्यमन्त्री राईविरुद्ध अविश्वासको प्रस्ताव ल्याउने तयारी गरिएको छ ।
आङ्बोको नेतृत्वमा मुख्यमन्त्री राईविरुद्ध अविश्वासको प्रस्ताव ल्याउने तयारी गरिएको हो ।आफुलाई पदबाट हटाइएलगत्तै आङ्बोले अविश्वासको प्रस्ताव दर्ता गर्न मुख्यमन्त्रीले सजिलो बनाइदिनुभेको बताउनुभएको छ।उहाँले अब आफ्नो अगुवाईमा अविश्वासको प्रस्ताव दर्ता गर्ने तयारी गरेको जानकारी दिनुभएको छ।