७ माघ, मोरङ। प्रदेश १ को नियमित हिउँदे अधिवेशन बुधबार दिउँसो २ बजे बस्दै छ।

यससँगै सत्तारुढ दल नेकपाभित्रको आन्तरिक द्वन्द्वले अधिवेशन पूर्व राजनीतिक घटनाक्रम थप गम्भीर हुने देखिएको छ।

बुधबार दिउँसो २ बजे सदन बैठक बस्नुपूर्व प्रदेश सचिवालयमा कार्यव्यवस्था परामर्श समितिको बैठक बस्ने कार्यक्रम रहेको छ।

जसमा सदन बैठकबारे सभामुख प्रदीपकुमार भण्डारीले दलका नेताहरुसँग छलफल गर्ने कार्यक्रम रहेको छ।

प्रधानमन्त्री केपी शर्मा ओली पक्ष र पुष्पकमल दाहाल, माधवकुमार नेपाल पक्षबीचको निषेधको राजनीति जारी रहँदा प्रदेशसभाको बैठक कसरी अघि बढ्छ भन्ने चासोको विषय बन्दै गएको छ।

यसअघि, मुख्यमन्त्री राईविरुद्ध गत पौष १२ गते ३७ जना संसादको हस्ताक्षरसहितअविश्वासको प्रस्ताव दर्ता भएपनि हाल ५ जना प्रदेश सभासदस्यले आफ्नो अविश्वासको प्रस्ताव फिर्ता लिएका छन्।