रसुवा, १८ फागुन ।

रसुवामा जिल्लाकै सर्वाधिक राशीको फुटसल प्रतियोगिता सुरु भएको छ । शैक्षिक, ज्ञानी, बौद्धिक र प्रज्वलित समाज (अकिआस) ले मंगलबारदेखि सदरमुकाम धुन्चेमा जिल्लाकै सर्वाधिक राशीको फुटसल प्रतियोगिता सुरु गरेको हो ।

खेल प्रवद्र्धन, शारीरिक व्यायाम, मनोरञ्जनका लागि फुटबलको सानो रुप फुटसल प्रतियोगिता संचालन गरिएको अकिआसका अध्यक्ष निबेश श्रेष्ठले बताए । २३ गतेसम्म संचालन हुने फुटसल प्रतियोगितामा ३१ टिम सहभागी छन् ।

प्रतियोगितामा प्रथम द्धितिय, तृतीय हुनेलाई क्रमश ५० हजार, २५ हजार, १५ हजार र ५ हजार नगद सहित ट्रफि मेडल र प्रमाणपत्र प्रदान गरिने आयोजकले जनाएको छ ।