८ बैशाख, काठमाडौं । त्रिदेशीय टी–२० शृङ्खला अन्तर्गत नेदरल्यान्ड्सले मलेसियालाई १०८ रनको लक्ष्य दिएको छ ।
वर्षा बाधक बनेर १३ ओभरमा झारिएको खेलमा नेदरल्यान्ड्सले १३ ओभरमा चार विकेट गुमाएर १०७ रन जोडेको हो । उसका लागि बेन कुपरले अविजित ५४ रनको अर्धशतकीय पारी खेले । मलेसियाका मोहम्मद वाफिकले दुई विकेट लिए ।
नेदरल्यान्ड्सले १० ओभर दुई बलमा तीन विकेट गुमाएर ६८ रन बनाएको अवस्थामा पानी परेपछि खेल केहीबेर स्थगित हुन पुगेको थियो । पानीले खेल प्रभावित भएपछि १३ ओभरमा छोट्याइएको हो ।
यस खेलबाट नेदरल्यान्ड्स विजयी भएमा फाइनल पुग्नेछ भने नेपाल पनि एक खेलअघि नै फाइनलमा जानेछ ।
अंकतालिकामा नेपाल र नेदरल्यान्ड्सको समान चाररचार अङ्क छ भने मलेसियाले अङ्कबिहिन छ ।