१२ बैशाख, काठमाडौं । कोरोना भाइरसको संक्रमण तीब्र फैलिएपछि त्यसको नियन्त्रण तथा रोकथामका लागि स्वास्थ्य तथा जनसंख्या मन्त्रालयले सातै प्रदेशमा उच्चस्तरीय समिति गठन गरेको छ।
मन्त्रालयका प्रवक्ता डा. जागेश्वर गौतमले संक्रमण नियन्त्रणका लागि सातै प्रदेशमा उच्च स्तरीय टोली गठन गरिएको जानकारी दिनुभयो ।
समितिमा संयोजकको जिम्मेवारीमा हरेक प्रदेशमा दुई दुई जना खटाइएको छ। जसमा प्रदेश नम्बर एकमा डा. महेन्द्रप्रसाद श्रेष्ठ र डा. पवनजङ्ग रायमाझी, प्रदेश नम्बर दुईमा डा. रोशन पोखरेल र डा. मोहमद दाउद, बागमतीमा डा. रोशन पोखरेल र डा. मदनकुमार उपाध्यायलाई जिम्मेवारी दिइएको छ।
यस्तै गण्डकीमा डा. गुणराज लोहनी र डा. प्रकाश शाह, लुम्बिनीमा डा. गुणराज लोहनी र डा. रोशन न्यौपाने, कर्णालीमा डा. दिपेन्द्ररमण सिंह र डा. केशवराज पण्डित र सुदूरपश्चिममा डा. दिपेन्द्ररमण सिंह र डा. रिता भण्डारी जोशीलाई जिम्मेवारी दिइएको छ।
मन्त्रालयले डा. रोशन पोखरेल, डा. गुणराज लोहनी र डा. दिपेन्द्ररमण सिंहलाई भने दुईटा प्रदेशको जिम्मेवारी दिएको छ।
