१५ बैशाख, काठमाडौं । इन्डियन प्रिमियर लिग (आईपीएल) टी–ट्वान्टी क्रिकेटअन्तर्गत आज एक खेल हुँदै छ ।
आज हुने खेलमा चेन्नई सुपर किंग्स र सनराइजर्स हैदरावादले प्रतिस्पर्धा गर्नेछन् । नयाँदिल्लीमा हुने दुई टोलीबीचको खेल नेपाली समयानुसार साँझ ७ः४५ बजे सुरु हुनेछ ।
चेन्नईलाई जित निकाल्दै अंकतालिकाको शीर्ष स्थानमा उक्लने मौका छ । लिगमा ५ खेल खेलेको चेन्नई ८ अंकसहित तालिकाको दोस्रो स्थानमा छ । शीर्ष स्थानको रोयल्स च्यालेन्जर्स बैंगलोरको ६ खेलबाट १० अंक छ ।
हैदरावाद आजको खेलमा जित निकाल्दै तालिकामा आफूलाई बलियो बनाउने योजनामा छ । हैदरावाद ५ खेलबाट २ अंक जोडेर पुछारमा छ ।
प्रतिक्रिया
सम्बन्धित समाचार
