एजेन्सी । इन्डियन प्रिमियर लिग (आइपिएल)मा पन्जाब किंग्सले आगामी खेलहरुमा आफ्नो टिमको मुख्य खेलाडी गुमाउने भएको छ ।

टिमका कप्तान तथा भारतीय क्रिकेट टोलीका ओपनर लोकेश राहुल अस्पताल भर्ना भएका हुन् ।

शनिवार राती पेटमा अत्याधिक दुखाईको कारण औषधी प्रयोग गरेपनि ठिक नभएपछि राहुललाई उपचारका लागि अस्पताल लगिएको हो ।

उनलाई एपेन्डिसाइटिस भएको पन्जाब किंग्सले जनाएको छ । उनको उपचार शल्यक्रियामार्फत हुनेछ । जसअनुसार राहुलले बाँकी खेल पनि गुमाउने निश्चित देखिन्छ । राहुल नहुँदा पन्जाबलाई ठूलो क्षति पुगेको छ । राहुल पन्जाबका प्रमुख हतियार हुन् । यस सिजनमा पनि उनले राम्रो प्रदर्शन गर्दै आएका थिए ।