२० बैशाख, रुपन्देही। लुम्बिनी प्रदेशमा अल्पमतमा परेका दलको नेतालाई मुख्यमन्त्रीमा सपथ गराइएको भन्दै विपक्षी दलहरुले कानूनी र राजनीतिक लडाइँ लड्ने बताएका छन् ।
माओवादी केन्द्र, नेपाली कांग्रेस, जनता समाजवादी पार्टी र राष्ट्रिय जनमोर्चाको गठबन्धनले सोमबार संयुक्त पत्रकार सम्मेलन गर्दै मुख्यमन्त्रीमा शंकर पोखरलको नियुक्ति असंवैधानिक, अलोकतान्त्रिक र तानाशाहीको पराकाष्ठा भएको बताएका हुन्।
आफुहरुले ४२ जना सांसदको हस्ताक्षरको बहुमतसहित सरकारका लागि दावी गरिरहँदा पोखरेलकले जम्मा ३७ जना सांसदको समर्थनमा असंवैधानिक तवरबाट मुख्यमन्त्रीमा नियुक्त गरिएकोमा विपक्षी दलले विरोध जनाएको छ।
नेपाली कांग्रेस संसदीय दलका नेता विरेन्द्र कनौडियाले भन्नुभयो, ‘हिजोको घटना अराजनीतिक र निकृष्ट घटना हो, संविधान मिचेर गरिएको नियुक्तिले अराजकता बढायो,यो सामान्य विषय होइन,’यसविरुद्ध कानूनी र राजनीतिक लडाइँ लड्छौं।’
त्यस्तै मुख्यमन्त्रीको सपथ रोक्न धर्नामा बसेका महिला सांसदमाथि प्रदेश प्रहरी प्रमुख रबिन्द्र धानुकले बल प्रयोग र महिला हिंसा गरेकाले उनलाई निलम्वन गर्न उहाँले माग गर्नुभयो।
