एजेन्सी । इंग्लिस क्लब चेल्सी च्याम्पियन्स लिगको फाइनलमा प्रवेश गरेको छ ।
बिहिबार राति भएको दोस्रो लेगको खेलमा स्पेनिस क्लब रियल मड्रिडलाई २-० गोलले पराजित गर्दै समग्रमा ३ १ को नतिजासहित फाइनलमा प्रवेश गरेको हो ।
चेल्सीको घरेलु मैदान स्टामफोर्ड ब्रिजमा भएको खेलको २८ औं मिनेटमा टिमो वेर्नरले गोल गर्दै चेल्सीलाई सुरुवाती अग्रता दिलाएका थिए ।
काई हावर्ट्जले पोस्टमा गरेको प्रहार क्रसबारमा लाग्दै फर्किन पुगेको थियो, मार्कमा रहेका वेर्नरले हेडमार्फत गोल गर्दै चेल्सीलाई अग्रता दिलाएका थिए ।
८५ औं मिनेटमा मासन माउन्टले गोल गर्दै चेल्सीको अग्रता दोब्बर पारे । चेल्सीले उपाधिका लागि मे २९ मा अटाटुर्क ओलम्पिक स्टेडियममा अर्को इंग्लिस क्लब म्यान्चेस्टर सिटीसँग प्रतिस्पर्धा गर्नेछ ।
प्रतिक्रिया
सम्बन्धित समाचार
