काठमाडौँ, १५ जेठ
नेपाली काँग्रेस रसुवाका सांसद इञ्जिनीयर मोहन आचार्यले गणतन्त्र दिवसको अवसरमा देश विदेशमा रहनुभएका सम्पूर्ण नेपाली दिदिबहीनी तथा दाजुभाईहरुमा शुभकामना व्यक्त गर्नुभएको छ ।
सांसद आचार्यले आज शुभकामना सन्देश व्यक्त गर्दै गणतन्त्र स्थापनाका लागि भएका विभिन्न सङ्घर्षमा प्राण उत्सर्ग गर्ने सम्पूर्ण महान् शहीदहरुप्रति भावपूर्ण श्रद्धाञ्जली अर्पण गर्नुभएको छ ।
साथै, उहाँले गणतन्त्र प्राप्तको संघर्षमा घाइते, अपाङ्ग र वेपत्ता नागरिकप्रति उच्च सम्मान व्यक्त गर्नुभएको छ ।
सांसद आचार्यले गणतन्त्र दिवसको अवसरमा लामो संघर्षपछि स्थापना भएको संविधानको रक्षा गर्दै मुलुकलाई विकासको वाटोमा अगाडि बढाउन सबैमा प्रेरणा मिल्ने विश्वास समेत व्यक्त गर्नुभएको छ । उहाँले सम्पूर्ण नेपालीमा गणतन्त्र दिवसको हार्दिक बधाई एवम् शुभकामना दिनुभएको हो ।