१९ जेठ, काठमाडौं । बंगलादेशका अलराउण्डर क्रिकेटर शाकिब अल हसनले आईपीएल टी-ट्वान्टी क्रिकेटको बाँकी खेल नखेल्ने भएका छन् ।
कोलकत्ता नाइट राइडर्समा साकिबलाई बंगलादेश क्रिकेट बोर्डले नो अब्जेक्सन सर्टिफिकेट (एनओसी) नदिने भएपछि उनले बाँकी खेल खेल्न नपाउने भएका हुन् ।
बंगलादेश क्रिकेट बोर्डका अध्यक्ष नजमुल हसनले आईपीएलको तालिका र विश्वकप क्रिकटेको तयारी तालिका जुटेकाले उनलाई एनओसी नदिने बताएका छन् ।
कोरोना भाइरसको महामारीका कारण आईपीएलको बाँकी खेलहरु युएईमा आयोजना हुँदैछन् । बीसीसीआईले सेप्टेम्बरदेखि अक्टोबरसम्म प्रतियोगिता युएईमा गर्ने जनाएको छ ।
प्रतिक्रिया
सम्बन्धित समाचार
