एजेन्सी

कोपा अमेरिकामा उरुग्वे र चिली बराबरीमा रोकिएका छन् । मंगलबार बिहान एरिना पान्तानल फुटबल मैदानमा भएको खेलमा १–१ को बराबरी खेलेका हुन् ।
खेलको २६औँ मिनेटमा एडुआर्डो भर्गसले गोल गर्दै चिलीलाई अग्रता दिलाएका थिए।

६६औँ मिनेटमा अटुरो भिडालले आत्मघाती गोल गरेपछि चिली अंक बाँड्न बाध्य बन्यो । खेलमा उरुग्वेले केही दवाव बनाए पनि गोल गर्न नसक्दा जित निकाल्न सकेन ।

यो नतिजासँगै चिली ३ खेलबाट ५ अंकका समूह ‘ए’को शीर्ष स्थानमा उक्लिएको छ  ।  पहिलो खेलमा अर्जेन्टिनासँग १–१ बारबरी खेलेको चिलीले दोस्रो खेलमा बोलिभियालाई १–० ले हराएको थियो ।

२ खेलबाट पहिलो अंक जोडेको उरुग्वे समूहको चौथो स्थानमा छ । उ पहिलो खेलमा अर्जेन्टिनासँग १–० ले पराजित भएको थियो ।  अहिले यसै समूह अन्तर्गत अर्जेन्टिना र पाराग्वेको खेल चलिरहेको छ ।