युइएफए युरो २०२० अन्तर्गत आइतबार मध्यराति भएको प्रिक्वार्टरफाइनल खेलमा बेल्जियमले पोर्चुगलमाथि सङ्घर्षपूर्ण खेलमा १–० गोल अन्तरले पराजित गरेको छ ।
क्रिस्टियानो रोनाल्डोको कप्तानीमा रहेको पोर्चुगल यो हारसँगै युरो २०२० बाट बिदा भएको छ । पोर्चुगल गत वर्षको विजेता पनि हो ।
यी दुई टिमबीचको खेल निकै संघर्षपूर्ण र मनोरञ्जनात्मक हुने अड्कलबाजी गरिएको थियो । र खेल पनि त्यस्तै भयो । दोस्रो हाफमा पोर्चुगलले बेल्जियमका पोस्टमा लगातार आक्रमण गरेर केही सुन्दर मौका पनि सिर्जना गरेको थियो, तर ती गोलमा परिणत हुन सकेका थिएनन् ।
स्पेनको कार्टुजा रंगशालामा भएको यस खेलमा बेल्जियमका लागि एक मात्र गोल पहिलो हाफको ४२ औं मिनेटमा थोर्गन हजार्डले गरेका थिए ।
यो जितसँगै बेल्जियम क्वार्टरफाइनलमा प्रवेश गरेको छ ।
प्रतिक्रिया
सम्बन्धित समाचार
