१३ साउन, काठमाडौं । लुम्बिनी प्रदेशकी उद्योग, वन तथा वातावरण मन्त्री कल्पना पाण्डे अस्वस्थ भएपछी काठमाडौं ल्याइएको छ । गत असार २३ गते लुम्बिनी प्रादेशिक अस्पताल बुटवलमा कोभिसिल्डको दोश्रो डोज खोप लगाएउनुभएको उहाँले त्यसपछिका दिनमा स्वास्थ्य समस्या बढेपछि उपचारका लागि भैरहवास्थित भीम अस्पतालमा भर्ना हुनुभएको थियो । तर स्वास्थ्य अवस्था थप नाजुक बन्दै गएपछि उहाँले काठमाडौं स्थित नर्भिक अस्पताल ल्याइएको हो।

कोभिसिल्ड खोप लगाएपछि कमजोर हुँदै गएका उहाँको दुबै खुट्टा नचल्ने र शरीर शिथिल अवस्थामा पुगेको हो ।

चिकित्सकहरूका अनुसार उनमा भाइरसका कारण हुने समस्या देखिएको छ । शरीर प्यारालाइसिस हुन नदिन र फोक्सो, मुटुजस्ता अंग जोगाउनका लागि विशेष सुई प्रयोग गर्ने गरिएको छ ।