१५ साउन, काठमाडौं । लुम्बिनी प्रदेशका नवनियुक्त प्रदेश प्रमुख अमिक शेरचनले पदबहाली गर्नुभएको छ ।

शेरचनले शुक्रबार प्रदेश प्रमुख कार्यालयमा पदबहाली गर्नुभएको हो । पदवहाल गर्दै प्रदेश प्रमुख शेरचनले संविधानभन्दा माथि कोही पनि नभएको र संविधान मिच्ने काम कहिकतैबाट हुन नहुने बताउनुभयो।

उहाँले संविधानलाई आफू अनुकुल व्याख्या गर्ने र मिच्ने काम कतैबाट गर्न नहुने र आफूले पनि जिम्मेवारीमा रहँदासम्म संविधानभन्दा बाहिर गएर कुनै काम नगर्ने प्रतिवद्धता व्यक्त गर्नुभयो।

२०७६ कात्तिक १८ गते केपी ओली नेतृत्वको सरकारले प्रदेश प्रमुखमा नियुक्त गरेका धर्मनाथ यादवलाई शेरबहादुर देउवा सरकारले गत मंगलबार पदमुक्त गरि शेरचनलाई नियुक्त गरेको थियो।