२४ साउन, टोकियो । टोकियो ओलम्पिक २०२० आइतबार सकिँदै छ। अन्तिम दिन पदक तालिकामा अमेरिकाले चीनलाई स्वर्ण पदकमा पनि पछाडि पारेको छ।
अमेरिकाले ३९ स्वर्ण, ४० रजत र ३३ कास्यसहित एक सय १२ पदक जितेर शीर्षस्थानमा छ।
दोस्रो स्थानमा रहेको चीनले ३८ स्वर्ण, ३२ रजत र १८ कास्यसहित ८८ पदक जितेर दोस्रो स्थानमा छ। घरेलु टोली जापान २७ स्वर्ण, १४ रजत र १७ कास्यसहित ५८ पदक जितेर तेस्रो स्थानमा छ। चौथो स्थानमा रहेको बेलायतले २२ स्वर्ण, २१ रजत र २२ कास्यसहित ६५ पदक जितेको छ।
रुसले २० स्वर्ण, २७ रजत र २३ कास्यसहित ७० पदक जितेको छ। अस्ट्रेलिया, नेदरल्यान्ड्स, जर्मनी र इटालीले पनि कम्तीमा १० स्वर्ण पदक जितेका छन्। ६३ देशले कम्तीमा एउटा स्वर्ण पदक जितेका छन् भने ९३ देशले कम्तीमा एउटा पदक जितेका छन्।
प्रतियोगितामा ३ सय ३९ स्वर्ण पदकका लागि प्रतिस्पर्धा भएको थियो। शरर्णाथी टोली र २ सय ५ देशको सहभागिता रहेको छ।
