३१ साउन, काठमाडौं । बागमती प्रदेश सभा बैठक आगामी भदौ १ गते बस्ने भएको छ । गत साउन पहिलो सातामा चालू आर्थिक वर्ष २०७८÷०७९ को नीति, कार्यक्रम बजेट पारित भए लगत्तै प्रदेशसभा स्थगित भएको बैठक भदौ १ गतेलाई बोलाइएको हो।

भदौ १ गते मंगलबार दिउँसो २ बजेका लागि प्रदेश प्रमुखले प्रदेश सभाको बैठक आह्वान गरेको प्रदेशसभा सचिवालयको सचिव कृष्णहरि खड्काले जानकारी दिनुभयो ।

त्यस्तै प्रदेशसभा बैठक बस्नु अघि भोलि सोमबार दिउँसो ४ बजेका लागि कार्यव्यवस्था परामर्श समितिको बैठक बोलाइएको छ । सोही कार्यव्यवस्था परामर्श समितिको बैठकले प्रदेशसभा बैठकमा प्रस्तुत गर्ने कार्यसूची तयार पार्ने छ।