१ असोज, काठमाडौं । कोभिडका कारण रोजगारी गुमाएका ट्रेकिङ गाइडहरुलाई आत्मनिर्भर बनाउने उद्देश्यका साथ सहुलियतपूर्ण ऋण दिने भएको छ ।

टिम्स कार्ड खरिद तथा बिक्री गर्ने ट्रेकिङ कम्पनीमा कार्यरत रहेकै बेला कोभिडको महामारीको कारण रोजगारी गुमाएका ट्रेकिङ गाइडलाई व्यवसाय सञ्चालन गरी आत्मनिर्भर बनाउने उद्देश्यका साथ पत्रयात्रा तथा पर्वतीय पर्यटन श्रमिक कल्याणकारी खाता सञ्चालन, व्यवस्थापन तथा ऋण परिचालन समितिको सचिवालय नेपाल पर्यटन बोर्डले ऋण दिन लागेको हो ।

ऋण लिनका लागि आवश्यक कागजातसहित आवेदन खुलाएको छ । बोर्डले शुक्रबार प्रकाशन गरेको सूचनामा ७ दिनभित्र आवेदन दिन भनिएको छ ।