१३ असोज, काठमाडौं प्रधानमन्त्री शेरबहादुर देउवा र माओवादी केन्द्रका अध्यक्ष पुष्पकमल दाहाल ‘प्रचण्ड’बीच भेटवार्ता भएको छ । केही बेरपछि बस्न लागेको माओवादी केन्द्रको स्ठायी कमिटीको बैठक बस्नुपूर्व प्रधानमन्त्री र प्रचण्डबीच भेटवार्ता भएको हो। उक्त भेटवार्तामा मन्त्रिपरिषद विस्तारबारे छलफल भएको बुझिएको छ।
सरकारमा जाने मन्त्रीहरुको नाम टुंगो लगाउन माओवादी केन्द्रको स्थायी कमिटी बैठक साढे १२ बजेतिर पार्टीकार्यालय पेरिसडाँडामा बस्दै छ ।
गत आइतबार बसेको सत्ता गठबन्धनको बैठकमा प्रधानमन्त्री देउवाले मन्त्रिपरिषदलाई पूर्णता दिन गठबन्धनका तर्फबाट मन्त्री हुनेहरुको नाम दिन आग्रह गर्नुभएको थियो। जनता समाजवादी पार्टीका अध्यक्ष उपेन्द्र यादव उपत्यका बाहिर रहेको र नेकपा समाजवादीका अध्यक्ष पनि केही बिसन्चो भएको भएपछी मङ्गलबार बस्ने भनिएको सत्तागठबन्धनको बैठक बस्न सकेको थिएन।
