२० असोज, काठमाडौं । दोस्रो प्रकाश दाहाल स्मृति महिला तथा पुरुष राष्ट्रिय बक्सिङ प्रतियोगिता आगामी कार्तिक २९ देखि मंसीर ३ गतेसम्म हुने भएको छ ।
बुधबार नेपाल बक्सिङ संघले काठमाडौंमा पत्रकार सम्मेलन गरी दोस्रो प्रकाश दाहाल स्मृति महिला तथा पुरुष राष्ट्रिय बक्सिङ प्रतियोगिताबारे जानकारी दिएको हो । पत्रकार सम्मेलनमा नेपाल बक्सिङ संघका प्रवक्ता श्यामकाजी अवालेले प्रतियोगितामा देशभरका क्लव, जिल्लाहरुबाट सहभागी हुने खेलाडीहरु यसअघि नेपाल बक्सिङ संघको आयोजनामा भएका राष्ट्रिय तथा क्षेत्रीय प्रतियोगितामा सहभागी बनेको हुनुपर्ने बताउनुभयो ।
प्रतियोगिता आईबाको नियमानुसार खेलाइने बताउँदै प्रवक्ता अवालेले आईबाका नियमानुसार भएका पुरुष तथा महिलाको सम्पूर्ण तौल समूहमा खेल हुने जानकारी दिनुभयो । पुरुषतर्फ ४८,५१,५४,५७,६०,६३,६५,६७,७१,७५,८०,८६,९२ र त्यो भन्दा माथिको उमेरसमूहमा खेल हुनेछन् भने महिला तर्फ ४८,५०,५२,५४,५७,६०,६३ र ६६ किलो तौल समूहमा खेल खेलाइनेछ । प्रत्येक तौल समूहमा कम्तिमा १० हजार नगर पुरस्कार दिने भनिएको भएपनि प्रायोजक बढेको खण्डमा त्यो भन्दा धेरै पुरस्कार दिइने व्यवस्था रहेको उहाँले बताउनुभयो । खेलमा उत्कृष्ट पुरुष र महिलाहरुलाई विशेष पुरस्कारको व्यवस्था गरिएको पनि प्रवक्ता अवालेले बताउनुभयो ।
प्रवक्ता अवालेले भन्नुभयो, ‘प्रतियोगितामा देशभरका क्लव, जिल्लाहरुबाट सहभागी हुने खेलाडीहरु यसअघि नेपाल बक्सिङ संघको आयोजनामा भएका राष्ट्रिय तथा क्षेत्रीय प्रतियोगितामा सहभागी बनेको हुनुपर्नेछ,प्रतियोगिता आईबाको नियमानुसार खेलाइनेछ,आईबाका नियमानुसार भएका पुरुष तथा महिलाको सम्पूर्ण तौल समूहमा खेल हुनेछ,पुरुषतर्फ ४८,५१,५४,५७,६०,६३,६५,६७,७१,७५,८०,८६,९२ र त्यो भन्दा माथिको उमेरसमूहमा खेल हुनेछन् भने महिला तर्फ ४८,५०,५२,५४,५७,६०,६३ र ६६ किलो तौल समूहमा खेल खेलाइनेछ,प्रत्येक तौल समूहमा कम्तिमा १० हजार नगर पुरस्कार दिने भनिएको भएपनि प्रायोजक बढेको खण्डमा त्यो भन्दा धेरै पुरस्कार दिइने व्यवस्था रहेको छ,खेलमा उत्कृष्ट पुरुष र महिलाहरुलाई विशेष पुरस्कारको व्यवस्था गरिएको छ ।’
प्रवक्ता अवालेले कोरोना भाइरसको जोखिम कायमै रहेको अवस्थामा नेपालमा खेलकुद क्षेत्रमा परेको असरलाई समाधान गर्न नेपाल बक्सिङ संघले खेलकुदका गतिविधि सञ्चालन गर्न लागेको बताउनुभयो । उहाँले प्रतियोगितलाई सफलतापूर्वक सम्पन्न गर्न नेपाल बक्सिङ संघका केन्द्रिय अध्यक्ष एवं नेपाल ओलम्पिक कमिटी सदस्य राम अवालेको संयोजकत्वमा विभिन्न उपसमिति बनाएको बताउँदै यस प्रतियोगितालाई पछि हुने अन्तर्राष्ट्रिय प्रतियोगिताको छनौटको आधारको रुपमा लिइने पनि बताउनुभयो ।
