काठमाडौँ, २२ असोज । नेपाली काँग्रेस संखुवासभाका सभापति दिपक खड्काले संखुवासभाको काँग्रेस संगठन बलियो बनाउन आफ्नो पहल हुने बताउनुभएको छ ।
काँग्रेस सूचना सञ्चार तथा प्रविधि विभागले आज आयोजना गरेको ‘छहारी संवाद’मा बोल्दै उहाँले संखुवासभा काँग्रेसलाई एकतावद्ध बनाउँदै जिल्लामा काँग्रेसको संगठनलाई मजबुद बनाउन आफ्नो पहल हुने बताउनुभएको हो ।
“मलाई केन्द्रको राजनीति गर्न आम नेता कार्यकर्ताको प्रेसर हुँदाहुँदै जिल्लाको संगठन विग्रिन जाने डरले गर्दा संखुवासभामा गएर पार्टी सभापति लडेको हो,”– उहाँले भन्नुभयो ।
५५ वर्षपछि संखुवासभा क्षेत्र नं २ बाट संविधानसभा निर्वाचनमा काँग्रेसको तर्फबाट उम्मेद्वारी दिई निर्वाचित हुनुभएका खड्काले गुठरहित संखुवासभा निर्माण गर्नका लागि सबैलाई आह्वान समेत गर्नुभएको थियो ।
गुठले पार्टी धरासयी बन्दै गएको भन्दै उहाँले गुठको अन्त्यका लागि आफू साझा उम्मेद्वार बनेको बताउनुभयो । भर्खरै सम्पन्न संखुवासभा काँग्रेसको निर्वाचनमा १३५२ मतमध्ये खड्काले ११९८ र प्रतीस्पर्धी राईमान राईले ११० मत प्राप्त गर्नुभएको थियो ।