काठमाडौं ,२७ असोज
माल्दिभ्समा जारी साफ च्याम्पियनसिपमा नेपाल फाइनलमा स्थान बनाउन सफल भएको छ ।
बुधबार साँझ भएको खेलमा बंगलादेशसँग १-१ को बराबरी खेल्दै नेपाल पहिलोपटक साफ च्याम्पियनसिपको फाइनलमा पुगेको हो ।
खेलको नवौं मिनेटमा सुमोन रिजाले गोल गर्दै बंगलादेशलाई सुरुवाती अग्रता दिलाएका थिए । खेलको ८८ औं मिनेटमा नेपालले पेनाल्टी पायो । जसलाई अञ्जन विस्टले खेर जान दिएनन् ।
यो नतिजापछि नेपालको चार खेलबाट सात अंक भएको छ ।बंगलादेश भने चार अंकमै सीमित रह्यो र प्रतियोगिताबाट बाहिरियो । जित अथवा बराबरीमा फाइनल पुग्ने समीकरणमा रहेको नेपालले यो बराबरी नतिजा निकालेको हो ।नेपालले माल्दिभ्स र श्रीलंकालाई हराएयता भारतविरुद्धको खेल गुमाएको थियो । फाइनलमा नेपालको प्रतिद्वन्द्वी बुधबारकै दोस्रो खेलले गर्नेछ । त्यस खेलमा आयोजक तथा डिफेन्डिङ च्याम्पियन माल्दिभ्स र भारत खेल्दैछन् ।
प्रतिक्रिया
सम्बन्धित समाचार