२ कात्तिक, काठमाडौं । एएफसी २३ वर्ष मुनिको एसिया कप छनोट खेल्न नेपाली टोली ताजिकिस्तान गएको छ । नेपाली टोली मंगलबार बिहान त्यसतर्फ गएको अखिल नेपाल फुटबल संघ (एन्फा) ले जनाएको छ ।
नेपाल छनोटमा कठिन समूहमा छ । नेपालसँगै ताजिकिस्तान, लेबनान र ईरान समूह ‘बी’मा रहेका छन् । छनोट अघि नेपालले अक्टोबर २२ तारिखमा इन्डोनेसियाको यू–२३ टोलीसँग मैत्रीपूर्ण खेल खेल्नेछ ।
यस्तो छ नेपालको खेल तालिका–
–पहिलो खेलमा ईरानसँग अक्टोबर २५ मा खेल्नेछ ।
–दोस्रो खेलमा ताजिकिस्तानसँग अक्टोबर २८ मा खेल्नेछ ।
–तेस्रो खेलमा लेबनानसँग अक्टोबर ३१ मा खेल्नेछ ।
प्रतिक्रिया
