विराटनगर,१५ कात्तिक
प्रदेश १ का मुख्यमन्त्री भीम आचार्यले राजीनामा दिने भएका छन् ।
आजको प्रदेश सभा बैठकमा उनको विश्वासको मतको प्रस्तावमा मतदान गर्ने कार्यतालिका थियो । तर बहुमत नपुग्ने भएपछि उनले त्यस अगाडि नै राजीनामा दिन लागेको बताइएको छ ।
उनी गत भदौ १० गते मुख्यमन्त्रीमा नियुक्त भएका थिए ।
९२ जना प्रदेशसभा सदस्य रहेको प्रदेश १ मा विश्वासको मत लिन ४७ जनाको मत आवश्यक पर्छ पर्छ । तर सत्तापक्षमा सभामुखसहित ४१ जना मात्रै छन् भने प्रतिपक्षी गठबन्धनमा ५० जना सांसद छन् ।
कांग्रेस, माओवादी केन्द्रसहितको गठबन्धनले एकीकृत समाजवादीका राजेन्द्र राईलाई मुख्यमन्त्रीको रुपमा अघि सार्ने निर्णय आइतबार नै गरिसकेको छ ।
प्रतिक्रिया
सम्बन्धित समाचार
