३० कात्तिक, काठमाडौं । प्रदेश १को प्रदेश सभा बैठक स्थगित भएको छ। नवनियुक्त मुख्यमन्त्री राजेन्द्र राईले बिश्वासको मत लिनेभएपछी डाकिएको प्रदेश १को प्रदेश सभा बैठक एमालेका सांसद उपस्थित नभएपछि स्थगित गरिएको हो। आज बैठक स्थगित भएपछी मुख्यमन्त्री राईले भोलि बुधबार बिश्वासको मत लिने हुनुभएको छ।
नेकपा एमालेले बिप्लव समुहले बन्दको आह्वान गरेपछि बैठकमा आउन समस्या हुने भन्दै बैठक स्थगित गर्न माग गरेको थियो। सत्तारुढ गठबन्धनका दलहरुले बैठक स्थगित गर्न असहम भएपछी बैठक सुचारु भएको थियो।
यसअघि पनि मुख्यमन्त्री राईले विश्वासको मत लिन प्रदेशसभाको बैठक आह्वान गरेपनि कार्यव्यवस्था परामर्श समितिको बैठकमा एमालेका प्रमुख सचेतक बुद्धिकुमार राजभण्डारीले प्रदेशसभा बैठक स्थगित गर्न माग गर्नुभएको थियो ।