१८ पुस, काठमाडौं । राष्ट्रियसभाको निर्वाचनमा भागबण्डा मिलाउन गठबन्धनको बैठक बोलाइएको छ । सोमबार बिहान प्रधानमन्त्रीको निवास बालुवाटारमा गठबन्धनका शीर्ष नेताबीच छलफल हुन लागेको एक नेताले जानकारी दिनुभयो ।
आज बस्न लागेको बैठक माओवादी केन्द्रको महाधिवेशन लम्बिएपछि भोलि बिहानलाई तय गरिएको हो।
राष्ट्रिय सभाका २० जना सांसदको फागुनदेखि चार वर्षे कार्यकालको पदावधी समाप्त हुँदै छ । राष्ट्रपतिबाट मनोनित हुने एक स्थान बाहेक १९ सिटका लागि यही माघ १२ गते बिहान ९ बजेदेखि दिउँसो ३ बजेसम्म ७ वटै प्रदेशमा चुनाव हुँदैछ ।