डडेल्धुरा २२ माघ ।
हिमपातका कारण अवरुद्ध बनेको भीमदत्त राजमार्ग ४८ घण्टा पछि संचालनमा आएको छ । सुदूरपश्चिम प्रदेशका सात पहाडी जिल्ला जोड्ने भीमदत्त राजमार्ग बिहीबारबाट अवरुद्ध बनेको थियो।

राजमार्गमा भएको हिउँ पन्छाएपछि आज ४ बजेपछि सडक संञ्चालनमा आएको डडेल्धुराका प्रमुख जिल्ला अधिकारी मोहनराज जोशीले बताउनु भयो ।

हिमपात रोकिएपछि शनिवार बिहानैदेखि स्थानीय तहका डोजर र नेपाली सेनाले हिउँ पन्छाउने काम गरेका थिए। दिनभरको प्रयासपछि शनिवार साँझ मात्रै सडक सुचारु गर्न सकिएको प्रहरीले जनाएको छ।

सडक खुलाइएपछि बाटोमै अलपत्र परेका यात्रु र सवारी गन्तव्यतर्फ हिँडेका छन्। डडेल्धुराको साहुखर्क र हगुल्टे लेकमा बाक्लो हिउँ जमेको थियो ।