२३ माघ, काठमाडौं । प्रदेश १ का ८ जना मन्त्रीले पद तथा गोपनियताको शपथ लिनुभएको छ । प्रदेश प्रमुख पर्शुराम खापुङले ८ जना मन्त्रीलाई शपथ ग्रहण गराउनुभएको हो ।

मुख्यमन्त्री कार्यालयका अनुसार रामकुमार राई खानेपानी तथा सिंचाई तथा ऊर्जा मन्त्री, राजन राई सामाजिक विकास, खिनु लिम्बु पर्यटन तथा संस्कृति, झलकबहादुर मगर कृषी, शेखरचन्द्र थापा बन, ओम प्रकाश सरावागी उद्योग, प्रतापप्रकाश हाङगाम भूमि व्यवस्था , उपेन्द्रप्रसाद घिमिरे यातायात व्यवस्था तथा सञ्चार मन्त्रीमा नियुक्त हुनुभएको छ।यस्तै विष्णु तुम्बाहम्फे राज्यमन्त्रीले सपथ लिनुभएको हो।

मुख्यमन्त्री राजेन्द्र राईले आज मन्त्रिमण्डल विस्तार गर्नुभएको थियो । मुख्यमन्त्री राईले ५ सदस्यीय मन्त्रिमण्डललाई विस्तार गरेर १४ सदस्यीय बनाउनुभएको हो ।