काठमाडौँ- गण्डकी प्रदेशका मुख्यमन्त्री सुरेन्द्रराज पाण्डेले विश्वासको मत पाउनुभएको छ।
आजको गण्डकी प्रदेश सभामा भएको मतदानमा पाण्डेले ३५ मत प्राप्त गर्नुभएको थियो भने विपक्षमा २२ मत परेको थियो ।
६० सदस्यीय गण्डकी प्रदेश सभामा काँग्रेसको २७, माओवादी केन्द्रका ७ र मनाङबाट स्वतन्त्र हैसियतमा जितेर एकिकृत समाजबादी पार्टीमा प्रवेश गरेका राजीव गुरुङले पाण्डलाई मत दिएका थिए ।
राप्रपा भने विश्वासको मत लिने कार्यक्रममा सहभागी भएन ।
गोरखा २ (ख) बाट निर्वाचित पाण्डे नेपाली काँग्रेसका केन्द्रीय सदस्य हुनुहुन्छ ।
नेपालको संविधानमा मुख्यमन्त्री नियुक्त भएको ३० दिनभित्र मुख्यमन्त्रीले विश्वासको मत लिनुपर्ने व्यवस्था छ ।
प्रतिक्रिया
सम्बन्धित समाचार
