काठमाडौँ । ओमानमा अप्रिल १२ (चैत ३० देखि) हुने एसिसी प्रिमियर कपका लागि नेपाली राष्ट्रिय क्रिकेट टोलीको घोषणा गरिएको छ । एसियाली क्रिकेट काउन्सिल (एसिसी)ले प्रिमियर कप खेल्ने नेपालको १४ सदस्यीय टिम सार्वजनिक गरेको हो ।
नेपाली टिमः रोहित पौडेल (कप्तान), कुशल भुर्तेल, सन्दीप जोरा, गुलशन, करण केसी, प्रतिश जिसी, विवेक यादव, अभिनास बोहरा, सोमपाल कामी, दीपेन्द्रसिंह ऐरी, ललित राजवंशी, कुशल मल्ल, आसिफ शेख र अनिल साह ।
कपमा नेपाल समूह ‘ए’ मा रहेको छ । नेपालको समूहमा हङकङ, मलेसिया, कतार र साउदी अरेबिया छन् । यस्तै समूह ‘बी’ मा आयोजक ओमानसहित युएई, कुवेत, बहराइन र कम्बोडिया छन् ।
टी–२० फर्म्याटमा हुने कपमा नेपालले पहिलो खेल मलेसियासँग ३० चैतमा खेल्नेछ । समूहका शीर्ष दुई टिम सेमिफाइनल पुग्नेछन् ।
प्रतिक्रिया
