बिहिबार, असार ६, २०८१
Mountain Khabar

Advertisment

SKIP THIS

विपक्षी गठबन्धनको बैठकमा एकीकृत समाजवादी पनि सहभागी

एकीकृत समाजवादीको सहभागीताले मधेस सरकारमा विपक्षी गठबन्धन बलियो


  • माउन्टेन खबर
  • बुधबार, जेष्ठ १६, २०८१
  • 49
    SHARES

काठमाडौँ । मधेस सरकार टिकाउन विपक्षी दलहरु सक्रिय भएर लागेका छन् । त्यसमा सत्ता गठबन्धनको नेकपा एकीकृत समाजवादी पनि बैठकमा सहभागी भएसँगै मधेस सरकार विपक्षी गठबन्धनले लैजाने दावी गरिएको छ ।

नेपाली कांग्रेसका सभापति शेरबहादुर देउवाको निवास बुढानीलकण्ठमा बुधबार बसेको बैठकमा माधवकुमार नेपालको नेकपा एसका नेता मेटमणि चौधरीसमेत सहभागी भएका थिए ।

यो समीकरण बन्दा मधेसमा विपक्षी दलहरुको दह्रो सरकार बन्ने देखिएको छ ।

मधेसमा रहेको १०७ सिटमध्ये एमालेको २३, कांग्रेसको २२, जसपा नेपालको १६, जनमत पार्टीको १३ सिट रहेको छ । त्यस्तै लोसपाको ९ सिट, माओवादी केन्द्रको ७ सिट र नेकपा एसको ७ सिट रहेको छ । राप्रपा, नेपाल संघीय समाजवादी र नागरिक उन्मुक्ति पार्टीले एक एक सिट पाएका छन् । मधेसमा ६ जना स्वतन्त्र उम्मेदवारले जितेका छन् ।

यसरी २२ कांग्रेस, १६ जसपा नेपाल, ९ लोसपा र ७ समाजवादीका मिलेर गठबन्धन अर्को सरकार बनाउन सफल हुने देखिएको छ ।

यसैबीच बैठकपछि जसपा नेपालका अध्यक्ष उपेन्द्र यादवले मधेस सरकार जोगाउन प्रतिपक्षमा रहेका दलहरू एक ठाउँमा उभिने बताएका छन् ।

यादवले राष्ट्रिय राजनीतिमा पनि अब एकीकृत समाजवादीसहित प्रतिपक्ष दलहरू एकजुट भएर अघि बढ्ने बताए ।

यदि मधेसको यो रणनीति सफल भयो भने बागमती प्रदेशमा पनि नयाँ सरकार बन्न सक्ने सम्भावनासमेत देखिएको छ ।

प्रतिक्रिया
सम्बन्धित समाचार
ताजा अपडेट
धेरै पढिएको

माउण्टेन खबर प्रा.लि.
ठेगाना: लैनचौर, काठमाडौं २६  वडा
दर्ता प्रमाणपत्र नम्बर : २११३/७७-७८
फोन नम्वर : ९८५१२२७४०६
ईमेल: [email protected]

हाम्रो टिम

सल्लाहकार : राम लामा “अविनाशी”
संञ्चालक : अनिता चापागाँई
सम्पादक :  अच्युत  रेग्मी
सह सम्पादक : अनु आचार्य
सम्वाददाता : आषिश तामाङ
सम्वाददाता : सब्बु आचार्य
बजार व्यवस्थापक : क्रिशमान तामाङ

.ads img { margin-bottom: 15px; }