काठमाडौं – नेकपा एमालेका अध्यक्ष केपी शर्मा ओलीले नयाँ आएका राजनीतिक दलहरूसँग भोलिको भविष्य अन्योल रहेको बताउनु भएको छ ।
शनिबार पार्टी मुख्यालय च्यासलमा शेयर कारोबारी दीपेन्द्र अग्रवालसहितका उद्योग व्यवसायीहरू नेकपा एमालेमा प्रवेश गराउदै ओलीले यस्तो टिप्पणी गर्नुभएको हो ।
कार्यक्रममा नारायणगोपालको गित स्मरण गर्दे ओलीले भन्नुभयो ‘सायद नारायणगोपालले गाउनुभएको होला, भोलि उठी कहाँ जाने केही थाहा छैन, फर्कि आउने हो कि होइन केही थाहा छैन।’
उहाँले भन्नुभयो ‘उहाँ (नयाँ दल) हरूको यात्रा त्यस्तै हो । भोलि कहाँ जाने त्यो पनि थाहा छैन, भोलि कहाँ जाने त्यो पनि थाहा छैन ।’
ओलीले एमाले समृद्ध नेपाल सुखी नेपाली बनाउनको लागि अथक प्रयास गरिरहेको बताउनु भयो । उहाँले नयाँ भन्नेहरूले आफ्नो चरित्र हत्या गरेको भन्दै आपत्ति जनाउदै अहिले देश बनाउने र जलाउनेबीचको लडाइँ चलिरहेको बताउनु भयो ।
