काठमाडौँ – गोरखा जिल्लाको प्रतिनिधि सभा निर्वाचन क्षेत्र नम्बर १ मा राष्ट्रिय स्वतन्त्र पार्टी (रास्वपा) का उम्मेदवार सुधन गुरुङले फराकिलो मतान्तर बनाएका छन्।
गुरुङले आफ्ना निकटतम प्रतिस्पर्धीलाई ८ हजार ९ सय ५० मतान्तरले पछि पारेका हुन्।
गुरुङले कुल २१ हजार ५५० मत प्राप्त गरेका छन्। उनका निकटतम प्रतिद्वन्द्वी नेपाली कांग्रेसका उम्मेदवार प्रेम कुमार खत्रीले १२ हजार ६०० मत प्राप्त गरेका छन्। निर्वाचनमा तेस्रो स्थानमा रहेका नेपाल कम्युनिष्ट पार्टीका उम्मेदवार हरि राज अधिकारीले ८ हजार १६८ मत ल्याएका छन्।
नेकपा (एमाले) को मत भने निकै कमजोर देखिएको छ। एमालेका उम्मेदवार राम चन्द्र लामिछानेले मात्र २ हजार ८५७ मत प्राप्त गरेका छन्। उनीभन्दा पछि उज्यालो नेपाल पार्टीका रामकाजी राना मगरले २५७ मत, राष्ट्रिय प्रजातन्त्र पार्टी (राप्रपा) का केदार मणी खनालले १६० मत र संयुक्त नागरिक पार्टीका जित बहादुर घलेले १४७ मत प्राप्त गरेका छन्।
