काठमाडौँ –  नेपाली कांग्रेसले संसदीय दलको प्रमुख सचेतक बासना थापालाई बनउने प्रस्ताव गरेको छ ।

सोमबार बसेको कांग्रेस कार्यसम्पादन समितिको बैठकले संसदीय दलको नेता, प्रमुख सचेतक र सचेतक बनाउने सहमति जुटाएको महामन्त्री गुरुराज घिमिरेले जानकारी दिए ।

उनका अनुसार संसदीय दलको नेता भीष्मराज आङदेम्बेलाई बनाउने सहमतिसँगै प्रमुख सचेतकमा बासना र सचेतकमा निश्कल राईलाई बनाउने सहमति जुटेको हो ।
थापा दैलेखबाट प्रत्यक्ष निर्वाचित भएकी थिइन् भने राई इलाम १ बाट निर्वाचित सांसद हुन् ।

अरु सबै पार्टीले संसदीय दलको नेता चयन गरिसक्दा पनि लामो समयको रस्साकस्सीपछि कांग्रेसले भीष्मराजलाई संसदीय दलको नेता बनाउने निर्णय आज गरेको हो ।