काठमाडाैँ – राष्ट्र, राष्ट्रियता, धर्म संस्कृति र नागरिक बचाउ महाभियानका संयोजक दुर्गा प्रसाईंलाई पर्सा जिल्ला अदालतले साधारण तारेखमा रिहा गर्न आदेश दिएको छ।

मंगलबार न्यायाधीश गायत्रीप्रसाद रेग्मीको इजलासले उनलाई थुनामा नराखी साधारण तारेखमा राखेर अनुसन्धान तथा कानुनी प्रक्रिया अघि बढाउन आदेश दिएको छ।

प्रसाईंलाई जेठ ४ गते प्रहरीले पर्साको वीरगञ्जस्थित दियालो होटलबाट पक्राउ गरेको थियो। उनीविरुद्ध विद्युतीय (इलेक्ट्रोनिक) कारोबार ऐन २०६३ अन्तर्गतको कसुर र राज्यविरुद्धको कसुरमा मुद्दा दर्ता गरिएको थियो।

उनले हिन्दुराष्ट्र र राजतन्त्र पुनर्स्थापना स्वीकार गरेमा बालेन्द्र शाहको फोटो घरमा राख्ने अभिव्यक्ति समेत दिएको आरोप छ।