रसुवा, २६ बैशाख
बैशाख ३० गते हुने स्थानिय तहको निर्वाचनका लागि रसुवाको उत्तरगया गाउँपालिकामा नेपाली कांग्रेस लगायतका पार्टीहरुले घरदैलो अभियान गरिरहेका छन् । घरदैलो अभियान मार्फत प्रचारप्रसारका कार्यक्रमले मतदाताहरु उत्साहित भएका छन् । मतदाताहरुको उत्साह बढेसँगै जनलहर भने नेपाली कांग्रेसको पक्षमा देखिन्छ ।
उत्तरगया गाउँपालिकामा नेपाली कांग्रेसबाट गाउँपालिका अध्यक्षमा उपेन्द्र लम्साल र उपाध्यक्षमा सुनितामाया गुरुङ चुनावी मैदानमा छन् । अध्यक्षका उम्मेदवार लम्साल २०७४ सालको निर्वाचनमा गाउँपालिका अध्यक्षमा विजयी हुन् । आफनो ५ वर्षे पहिलो कार्यकालमा अधुरा रहेका कामहरु पुरा गर्नका लागि आफनो उम्मेदवारी रहेको बताएका छन् ।
उपाध्यक्षका उम्मेदवार गुरुङ भने बिगत १० वर्षदेखि सामाजिक क्षेत्रमा लागिपरेकी व्यक्ति हुन् । निस्वार्थ भावनाका साथ लागि परेकी उनी गाउँपालिकाको समग्र विकासका लागि आफुले उम्मेदवारी दिएको बताउछिन् ।
अघिल्लो स्थानीय निर्बाचनमा गाउँपालिकामा नेपाली कांग्रेसले पाएको मतको दोब्बर पुर्याउने लक्ष्य साथ लागि परेको बताइएको छ ।
