रसुवा, ३ जेठ

रसुवाको नौकुण्ड गाउँपालिकाको अध्यक्षमा नेपाली कांग्रेसका उम्मेदवार नुर्वु स्याङबो घले विजयी हुनुभएको छ। उहाँ दोस्रो कार्यकालको लागी निर्वाचित हुनुभएको हो।

उहाँले ३ हजार ४७४ मत प्राप्त गरेर अध्यक्षमा विजयी हुनु भएको हो ।उहाँका निकटतम प्रतिस्पर्धी एमालेकी सिर्जना लामाले ३ हजार ९७ मत प्राप्त गर्नु भयो । माओवादी केन्द्रका सिंगी घिसिङले ३ सय ४६ मत प्राप्त गर्नुभयो ।

नौकुण्डको उपाध्यक्षमा एमालेका चन्द्र बहादुर ग्लान विजयी हुनुभएको छ । उहाँले २ हजार ९०४ मत प्राप्त गरेर विजयी हुनुभएको हो । उहाँका निकटतम प्रतिस्पर्धी जनता समाजवादी पार्टी नेपालका भुमे लामाले १ हजार ९५१ मत प्राप्त गरेर पराजित हुनुभयो ।