बलिउड अभिनेत्री रकुल प्रीत सिंहले लगनगाँठो कसेकी छन् । बुधबार भारतको दक्षिण गोवास्थित आईटीसी ग्रान्ड होटलमा रकुलले निर्माता ज्याकी भगनानीले विवाह गरेकी हुन् ।

रकुल र ज्याकीको विवाहमा बलिउडका धेरै सेलिब्रेटी उपस्थित थिए । विवाह समारोहमा अभिनेत्री शिल्पा शेट्टीले पति राज कुन्द्रासँग प्रस्तुति दिएकी थिइन् । शाहिद कपुर, भूमि पेडनेकर, अनन्या पाण्डे र आयुष्मान खुराना पनि श्रीमती ताहिरा कश्यपसँग देखिएका थिए ।

यस्तै, विवाहमा अभिनेत्री अनन्या पाण्डे, अर्पिता मेहता, जान्हवी धवन र अन्तारा मोतीवाला मारवाह पनि सहभागि थिए ।

विवाहपछि सामाजिक सञ्जालमा तस्वीर सेयर गर्दै रकुल प्रीतले लेखेकी छिन्, ‘अब तिमी सधैंका लागि मेरो हौ।’ यससँगै उनले विवाहको मिति (२१–०१–२०२४) पनि समावेश गरेकी छन् ।