अमेरिकी राष्ट्रपति डोनाल्ड ट्रम्पले विश्व स्वास्थ्य संगठन (डब्लुएचओ) लाई उपलब्ध गराउँदै आएको सहयोग रकम बन्द गर्ने घोषणा गरेका छन् ।
उनले ह्वाइट हाउसमा आयोजित पत्रकार सम्मेलनमा डब्लुएचओको कार्यशैलीप्रति तिव्र असन्तुष्टि जनाउँदै यस्तो घोषणा गरेका हुन् ।
कोरोना भाइरसको महामारी फैलँदा डब्लुएचओको जिम्मेवारीप्रति ट्रम्पले गम्भीर प्रश्न उठाए । विश्व स्वास्थ्य संगठनले आधारभूत कर्तव्य पालनामा असफलता हासिल गरेको उनको आरोप अमेरिकी राष्ट्रपति ट्रम्पले लगाए । यसअघि ट्रम्पले डब्लुएचओ चीनतर्फ ढल्केको आरोप लगाएका थिए ।
अमेरिका डब्लुएचओलाई सबैभन्दा बढी सहयोग रकम दिने मुलुकमा पर्छ । अमेरिकाले अघिल्लो वर्ष विश्व स्वास्थ्य संगठनलाई ४० करोड डलर दिएको थियो जुन डब्लुएचओको बजेटको १५ प्रतिशत हो ।
चीनबाट कोरोना भाइरसको संक्रमण देखिदा डब्लुएचओले महामारी नियन्त्रणमा खेल्नुपर्ने भूमिका राम्ररी नखेलेको ट्रम्पको आरोप लगाउदै आएका छन्। ।एजेन्सी
