काठमाडौं –  नेपाली कांग्रेसका सभापति गगन थापा राष्ट्रिय स्वतन्त्र पार्टी (रास्वपा) को महाधिवेशन उद्घाटन समारोहमा सहभागी हुने भएका छन्।

कांग्रेसका सहमहामन्त्री योगेन्द्र चौधरीले दिएको जानकारीअनुसार सभापति थापा रास्वपाको महाधिवेशनका लागि चितवन जाने कार्यक्रम तय भएको छ।

यसअघि कांग्रेसले महाधिवेशनमा पार्टीको प्रतिनिधित्व गर्न उपसभापति पुष्पा भुसाल लाई पठाउने निर्णय गरेको थियो। तर, आइतबार बिहान भएको आन्तरिक छलफलपछि सभापति थापा स्वयं उद्घाटन समारोहमा सहभागी हुने निष्कर्षमा पुगेका हुन्।

रास्वपाको पहिलो महाधिवेशन चितवनमा आयोजना भइरहेको छ, जहाँ विभिन्न राजनीतिक दलका शीर्ष नेताहरूको समेत सहभागिता रहने अपेक्षा गरिएको छ।