काठमाडौं –   पूर्वअर्थमन्त्री तथा एमाले उपाध्यक्ष विष्णु प्रसाद पौडेल विरुद्धको सम्पत्ति शुद्धीकरण मुद्दामा विशेष अदालतले तेस्रो पटक म्याद थप गरेको छ।

विशेष अदालतका न्यायाधीशहरू हेमन्त रावल, डिल्लीरत्न श्रेष्ठ र उमेश कोइराला को इजलासले बिहीबार पौडेललाई थप ६ दिन हिरासतमा राखेर अनुसन्धान गर्न अनुमति दिएको हो।

यसअघि अदालतले पहिलो पटक ७ दिन र दोस्रो पटक ३ दिनको म्याद थप गरेको थियो। सम्पत्ति शुद्धीकरण सम्बन्धी कसुरमा पौडेललाई असार ८ गते सुर्खेत बाट पक्राउ गरिएको थियो।

यता, पौडेलको तर्फबाट दायर गरिएको बन्दीप्रत्यक्षीकरण रिटमा सर्वोच्च अदालत ले सम्बन्धित मुद्दाको मिसिल झिकाउन आदेश दिइसकेको छ। उक्त रिटमाथिको सुनुवाइ प्रक्रिया भने जारी रहेको छ।