काठमाडौं – राष्ट्रिय स्वतन्त्र पार्टी (रास्वपा)का सभापति रवि लामिछानेको आह्वानमा सुनसरी घटनालगायत समसामयिक विषयमा छलफल गर्न सर्वदलीय बैठक सुरु भएको छ।
सिंहदरबारमा आज बिहान ८ बजेदेखि सुरु भएको बैठकमा संसद्मा प्रतिनिधित्व गर्ने सबै राजनीतिक दलका साथै उपेन्द्र यादव, महन्थ ठाकुर र सीके राउत नेतृत्वका दललाई पनि आमन्त्रण गरिएको छ।
सुनसरी घटनापछि उत्पन्न परिस्थितिमा सामाजिक सद्भाव कायम राख्ने, द्वेष फैलिन नदिने तथा शान्ति–सुरक्षालाई सुदृढ बनाउन प्रशासनिक प्रयाससँगै राजनीतिक तहबाट पनि साझा सन्देश र अपिल आवश्यक रहेको निष्कर्षसहित बैठक आयोजना गरिएको रास्वपाले जनाएको छ।
बैठकमा सुनसरी घटनाको पछिल्लो अवस्था, सामाजिक सद्भाव कायम गर्ने उपाय तथा समसामयिक राजनीतिक विषयमा छलफल हुने अपेक्षा गरिएको छ।
प्रतिक्रिया
