काठमाडौं – प्रधानमन्त्री बालेन्द्र शाह संयुक्त राष्ट्रसंघको महासभामा सहभागी हुन असोज ६ गते अमेरिकाको न्यूयोर्क जाने भएका छन् । प्रधानमन्त्री शाह असोज ९ गते स्वदेश फर्किने कार्यक्रम तय भएको छ ।
छोटो अवधिका लागि न्यूयोर्क जान लागेका प्रधानमन्त्री शाहले संयुक्त राष्ट्रसंघको महासभालाई सम्बोधन गर्दै नेपालमा भोटेकोशी बाढीबाट भएको ठूलो मानवीय तथा भौतिक क्षतिबारे अन्तर्राष्ट्रिय समुदायको ध्यानाकर्षण गराउने तयारी गरेका छन् ।
विशेषगरी जलवायु परिवर्तनका कारण नेपालजस्ता मुलुकले भोग्नुपरेका विपद् र त्यसबाट भएको क्षतिको विषयलाई उनले अन्तर्राष्ट्रिय मञ्चमा उठाउने भएका छन् ।
भोटेकोशी बाढीलाई जलवायु परिवर्तनको असरका रूपमा प्रस्तुत गर्दै नेपालले जलवायु न्याय, क्षतिपूर्ति तथा विपद्का कारण प्रभावित मुलुकलाई आवश्यक अन्तर्राष्ट्रिय सहयोगका विषयमा समेत आवाज उठाउने अपेक्षा गरिएको छ ।
