२१ पुस काठमाडौं। साउदी अरबले कतारका लागि आफ्नो भूमि तथा समुद्री सीमा खोल्ने निर्णय गरेको कुवेतले घोषणा गरेको छ ।
साउदी अरबले कतारमाथि तीन वर्षअघि नाकाबन्दी लगाएको थियो । मंगलबार साउदी अरबमा हुने गल्फ को-अपरेसन काउन्सील (जीसीसी)सम्मेलनको पूर्वसन्ध्यानमा साउदीले कतारमाथिको प्रतिबन्ध हटाउने निर्णय गरेको हो ।
एक वरिष्ठ अमेरिकी अधिकारीले विवाद समाप्त गर्नका लागि एक सम्झौतामा हस्ताक्षर हुने जानकारी दिएका छन् ।
कतारका छिमेकीले यो देशमाथि आतंकवादलाई बढावा दिएको आरोप लगाएपछि तीन वर्षअघि विभिन्न प्रकारको प्रतिबन्ध लगाइदिएका थिए ।
यी व्यापारिक, कूटनीतिक र यात्रा प्रतिबन्धमा साउदी अरबसँगै यूएई, बहराइन र इजिप्टको पनि सहभागिता थियो र एक तरिकाले कतारलाई ‘घेराबन्दी’ गरिदिएका थिए ।
प्रतिक्रिया
सम्बन्धित समाचार
