२३ पुस, वासिङटन। अमेरिकाको तल्लो सदनमा बहुमत प्राप्त डेमोक्रेटिक पार्टी सिनेटमा पनि हाबी हुने तय भएको छ । जर्जियामा सम्पन्न निर्वाचनमा डेमोक्रेटिक पार्टीका दुबै उम्मेदवार विजयी हुने देखिएको अन्तर्राष्ट्रिय सञ्चारमाध्यमहरुले जनाएका छन् ।

जर्जियाको एक क्षेत्रमा राफेल वार्नोक र अर्को क्षेत्रबाट जोन ओस सफ विजयी भएको प्रक्षेपण अमेरिकी सञ्चारमाध्यमहरुले गरेका हुन् । वार्नोकसँग रिपब्लिकनका केली लोइफ्लर र जोन ओस सफ विरुद्ध डेभिड परड्यु प्रतिस्पर्धामा छन् ।

सञ्चारमाध्यमहरुका अनुसार वार्नेक जर्जियाबाट विजयी भएका पहिलो अश्वेत सिनेटर हुन् । त्यस्तै, अमेरिकी इतिहासमा सिनेटर निर्वाचित हुने उनी ११ औं अश्वेत हुन् । अमेरिकी गृहयुद्धका दौरान जर्जिया दासप्रथा पक्षधरहरुको पकडमा थियो ।