४ माघ,नयाँदिल्ली। भारतको केन्द्रीय स्वास्थ्य मन्त्रालयले पहिलो चरणको कोरोनाको खोप अभियान अन्तर्गत पहिलो दिन एक लाख ९१ हजारभन्दा बढीलाई कोभिड–१९ को भ्याक्सिन दिइएको जानकारी दिएको छ ।
मन्त्रालयका अनुसार खोप अभियानको पहिलो दिन ३,३५१ सेसन भए जसमा ‘कोभ्याक्सिन’ र ‘कोभिशिल्ड’ दुबै भ्याक्सिनको प्रयोग गरिएको हो।
मन्त्रालयले खोप लगाएपछि कसैलाई पनि अस्पताल भर्ना गर्न आवश्यक नपरेको दाबी गरेको छ । यद्यपि, दिल्लीमा कोरोना भ्याक्सिन लगाएपछि केही मानिसहरुमा एलर्जीको लक्षण देखिएको छ ।
मिडिया रिपोर्ट अनुसार खोपको साइडइफेक्ट देखिएका मानिसहरुलाई स्थानीय प्रशासनको निगरानीमा राखिएको छ ।
केन्द्र सरकारको योजना अनुसार महामारीविरुद्ध अग्रपंतीमा रहेर काम गर्ने सरसफाईकर्मी, डाक्टर र नर्सलाई सुरुमा कोरोना भ्याक्सिन दिइएको छ।
प्रतिक्रिया
सम्बन्धित समाचार
